भन्सार छलेर भारतबाट ल्याएको ८८ बोरा मकै झापामा बरामद
मङ्गलबार, १२ वैशाख २०८०, २१ : ५९
काठमाडौँ । प्रहरीले झापाको गौरिगञ्ज गाउँपालिका वडा नम्बर–२ स्थित आँपगाछीबाट मकै बरामद गरेको छ । भन्सार छलेर भारतबाट ल्याउँदै गरेको मे.१ त ७११० नम्बरको ट्रयाक्टरमा लोड गरेको ८८ बोरा मकै बरामद गरिएको झापाका एसपी दुर्गाराज रेग्मीले रातोपाटीलाई बताए ।
इलाका प्रहरी कार्यालय गौरिगञ्ज र प्रहरी चौकी कोरोबारीबाट खटिएको प्रहरी गस्ती टोलीले रोक्न खोज्दा ट्याक्टर चालक भागेका थिए । ९६ हजार ८ सय मूल्य पर्ने मकै र ४ लाख मूल्यको ट्रयाक्टर भन्सार कार्यालय काकडभिट्टा बुझाएको एसपी रेग्मीले जानकारी दिए ।