खेलकुद
एसीसी प्रिमियर कप : कीर्तिपुरमा फेरि पानी पार्न थाल्यो
शनिबार, १६ वैशाख २०८०, १२ : ०८
काठमाडौँ । एसीसी प्रिमियिर कप अन्तरगत कुवेतविरुद्धको सेमिफाइनल खेलमा फेरि पानी पर्न सुरु भएको छ । केही बेरअघि पानी रोकिएसँगै खेल सुरु गर्ने तयारी गरिएको थियो ।
त्यसका लागि कीर्तिपुरस्थित खेल मैदानबाट कभरहरु हटाइएको थियो भने खेलको अवधि ४५–४५ ओभरमा छोट्याएर १२ः१५ बजेदेखि खेल सुरु गर्ने भनिएको थियो । तर पुनः पानी पर्न थालेपछि मैदानलाई कभरले ढाकिएको छ ।
यसअघि खेलको २४ औँ ओभरमा पानी परेपछि सेमिफाइनल खेल रोकिएको थियो । नेपालले २३.२ ओभरमा ३ विकेटको क्षतिमा १४१ रन बनाएको छ ।