मनाङ मर्स्याङ्दीको मुख्य प्रशिक्षकमा विष्णु गुरुङ नियुक्त
बिहीबार, २१ वैशाख २०८०, १९ : ०३
काठमाडौँ । मनाङ मर्स्याङ्दी क्लबको मुख्य प्रशिक्षकमा विष्णु गुरुङ नियुक्त भएका छन् । क्लबले गुरुङलाई बिहीबार मुख्य प्रशिक्षकमा नियुक्त गरेको हो ।
गुरुङलाई चालूसहित दुई सिजनका लागि क्लबमा अनुबन्ध गरिएको जनाइएको छ ।
क्लबका अध्यक्ष विजय घले र मुख्य प्रशिक्षक गुरुङबीच औपचारिक बिहीबार सम्झौता पत्रमा हस्ताक्षर भएको छ ।
गुरुङ मुख्य प्रशिक्षक नियुक्त भएसँगै घरेलु र अन्तर्राष्ट्रिय फुटबलमा राम्रो नतिजा निकाल्ने क्लबले विश्वास गरेको छ ।