लागुऔषधसहित दुईजना महिला पक्राउ
शुक्रबार, २२ वैशाख २०८०, १४ : ५१
काठमाडौँ । लागुऔषधसहित दुईजना महिला पक्राउ परेका छन् । प्रतिबन्धित लागूऔषध ब्राउनसुगर ७६ ग्राम ३४० मिलि ग्रामसहित उनीहरु पक्राउ परेका हुन् ।
झापाबाट एयरको जहाजमा काठमाडौँ आउन लागेका उनीहरुलाई विमानस्थल सुरक्षा गार्डमा खटिएको प्रहरी टोलीले पक्राउ गरेको हो । पक्राउ पर्नेमा २१ वर्षीय सोनी श्रेष्ठ राजवंशी र उनकी दिदी २३ वर्षीय सन्ध्या श्रेष्ठ रहेका छन् ।
उनीहरुमाथि थप अनुसन्धान भइरहेको जिल्ला प्रहरी कार्यालय झापाले जनाएको छ ।