एक्सक्लुसिभ स्टोरी
युनिकोड
मिति रूपान्तरण
सडकमा साकेला नाचेर कोशी नामकरणको विरोध, तस्बिरहरु
काठमाडौँ । काठमाडौँमा साकेला नाचेर कोशी प्रदेशको नामकरणको विरोध गरिएको छ । उभौली पर्वको अवसरमा किरात समुदायले सडकमै साकेला नाचेर कोशी नामकरणको विरोध गरेका हुन् ।
साकेला नाच किरात समुदायले उधौली, उभौलीलगायतका विभिन्न चाडपर्वमा नाच्ने गर्दछन् । प्रदेश १ को नाम कोशी प्रदेश राखेपछि विरोध हुँदै आएको छ । काठमाडौँको बानेश्वरमा भेला भएका किराँती समुदायले सांस्कृतिक पहिचान झल्कने नृत्य तथा बाजागाजाहरुसहित प्रदेश नामकरणको विरोध गरेका हुन् । सबैले आफ्नो सांस्कृतिक पोशाकसहित ‘कोशी मुर्दावाद’ लेखिएको प्लेकार्डपनि प्रदर्शन गरेका थिए ।
सञ्चारकर्मीहरुसँग कुराकानी गर्दै किराँत राई याक्खाका अध्यक्ष जीवन राईले राज्यले आफूहरुको चाड र सांस्कृतिक पहिचानलाई बहिष्करणमा पारेकाले राज्यलाई खबरदारी गर्दै यस वर्षको उभौली पर्व मनाइएको बताए । कोशी प्रदेशको नाम परिवर्तन गरी प्राचीन सभ्यता, ऐतिहासिक पृष्ठभूमि र सांस्कृतिक पहिचानको आधारमा पुनः नामकरण गर्न उनले माग गरे ।
प्रतिक्रिया