भारतीय मौसम विभागले मोका चक्रवातका लागि चेतावनी जारी गरेको छ । विभागका अनुसार बङ्गालको खाडीको माथि बनेको चक्रवात असाध्यै गम्भीर आँधीमा परिवर्तन हुन सक्ने र यसमा हावाको गति १३० किलोमिटर प्रति घण्टा पुग्न सक्छ ।

सोमबार दक्षिण पूर्वी बङ्गालको खाडी र नजिकैको दक्षिण अण्डमान सागरमा न्यून चापीय क्षेत्र बनेको छ । १२ मे को आसपास मोका चक्रवातको बङ्गलादेश र म्यानमारको तटतर्फ बढ्ने अनुमान छ ।

पश्चिम बङ्गालमा मोका चक्रवातको प्रभाव यो आँधी तटीय क्षेत्रबाट बङ्गलादेशतर्फ कति टाढा पुग्छ भन्नेमा निर्भर गर्दछ ।

The low pressure area over Southeast Bay of Bengal and adjoining South Andaman Sea has become Well Marked Low Pressure Area over the same region at 0530 IST today, the 9th May 2023. It is very likely to intensify into a depression by today evening over the same region

— India Meteorological Department (@Indiametdept) May 9, 2023

मौसम विभागले पश्चिम बङ्गाल, ओडिशा र आन्ध्र प्रदेशका लागि पनि अलर्ट जारी गरेको छ ।

विभागले साना समुद्री जहाज र माछा मार्नेहरूलाई मङ्गलवारदेखि बाहिर ननिस्कन आग्रह गरेको छ । यससँगै मे ८ देखि १२ सम्म अण्डमान र निकोबार टापुहरू नजिकैको पर्यटन र ढुवानीलाई सीमित गर्न र नजिकबाट निगरानी राख्न भनिएको छ ।

#CycloneMocha | No need to fear the cyclone...If there come different circumstances, we will rescue people from coastal areas as the cyclone will move to Bangladesh and then Myanmar: West Bengal CM Mamata Banerjee pic.twitter.com/LOCRdYCLQm

— ANI (@ANI) May 8, 2023

सोमबार पश्चिम बङ्गालकी मुख्यमन्त्री ममता बनर्जीले एक विज्ञप्ति जारी गर्दै चक्रवातबाट डराउनु पर्ने आवश्यकता नरहेको बताएकी छन् ।

अप्ठ्यारो परेमा तटीय क्षेत्रका जनतालाई उद्धार गरिने उनले बताइन् ।