स्वास्थ्य व्यवसायी परिषद्को लाइसेन्स परीक्षाको आवेदन खुल्ने
आइतबार, ३१ वैशाख २०८०, १८ : ५०
काठमाडौँ । नेपाल स्वास्थ्य व्यवसायी परिषद्ले लाइसेन्स परीक्षाका लागि आवेदन खुला गर्ने भएको छ । परिषद्ले आइतबार सूचना जारी गर्दै लाइसेन्स परीक्षाका लागि आवेदन खुला गर्ने जानकारी दिएको हो ।
लाइसेन्स परीक्षाका लागि जेठ १ देखि २८ गतेसम्म आवेदन खुला हुनेछ । यस्तै, जेठ १९ देखि ३ असारसम्म दोब्बर शुल्कमा आवेदन दिन सकिने परिषद्को सूचनामा उल्लेख गरिएको छ ।
परिषद्ले प्रमाणपत्र, स्नातक र स्नातकोत्तर तहको एकै साथ लाइसेन्स परीक्षाको आवेदन खुला गर्न लागेको हो ।