बाख्रा चोरेको आरोपमा एक जना पक्राउ
सोमबार, ०१ जेठ २०८०, २१ : ४३
जनकपुरधाम । धनुषामा बाख्रा चोरी गरेको आरोपमा एक जना पक्राउ परेका छन् । प्रहरीले चोरी गरेको बाख्रासहित धनुषाधाम नगरपालिका ५ नौसयविघाका ६८ वर्षीय ताहिर राईनलाई पक्राउ गरेको हो ।
प्रहरीले राईनलाई मिथिला बिहारी नगरपालिका १ बाट बाख्रासहित पक्राउ गरेको जनाइएको छ ।
प्रहरीका अनुसार ५ वटा बाख्रा चोरी भएको बताए पनि ४ वटा बाख्रा फेला पारेको जनाएको छ । राईनमाथि थप अनुसन्धान भइरहेको प्रहरीले जनाएको छ ।