भुटानी शरणार्थी प्रकरण
भुटानी शरणार्थीका नेता टेकनाथ रिजाल प्रहरी नियन्त्रणमा
बिहीबार, ०४ जेठ २०८०, १७ : ३३
काठमाडौँ । भुटानी शरणार्थीका नेता टेकनाथ रिजाललाई प्रहरीले नियन्त्रणमा लिएको छ । नेपालीलाई भुटानी शरणार्थी बनाएर अमेरिका पठाउनेसम्बन्धी ठगी कार्यमा उनले समेत मिलेमतो गरेको पाइएपछि प्रहरीले आज उनलाई सोधपुछका लागि बोलाएको थियो ।
सोही अनुसार जिल्ला प्रहरी परिसर काठमाडौँमा पुगेका रिजाललाई प्रहरीले नियन्त्रणमा लिएको उपत्यका प्रहरी कार्यालयका एआईजी श्याम ज्ञवालीले पुष्टि गरे ।
भुटानी शरणार्थी प्रकरणमा पक्राउ परेका मोरङका सागर राईले रिजाललाई समेत मुछेका छन् । राईले बयानका क्रममा रिजाललाई ७ लाख रुपैयाँ दिएको दाबी गरेको अनुसन्धानमा खटिएका एक प्रहरीले बताए ।