खैरो हेरोइनसहित कोटेश्वरबाट एकजना पक्राउ
मङ्गलबार, ०९ जेठ २०८०, १२ : २१
काठमाडौँ । प्रहरीले काठमाडौँ महानगरपालिका–३२ कोटेश्वरबाट खैरो हेरोइन सहित एक जनालाई पक्राउ गरेको छ । पक्राउ पर्नेमा पाँचथर फिदिम नगरपालिका–१० घर भएका ३९ वर्षीय दिनेश लोवा छन् ।
लागुऔषध नियन्त्रण ब्युरो कोटेश्वरबाट खटिएको टोलीले आरोपीको साथबाट १० ग्राम ५ सय मिलिग्राम लागुऔषध (खैरो हेरोइन) बरामद गरेको छ । आरोपीको साथमा डिजिटल तराजु पनि भेटिएको छ ।
आरोपीबारे ब्युरोले अनुसन्धान गरिरहेको छ ।