काठमाडौँ । नेपाली कांग्रेसकी सांसद मञ्जु खाणले संसदीय समितिमा उपसमिति बनाउँदा सबै दलबाट सहभागिता हुने गरी समावेशी आधारमा बनाउनुपर्ने बताएकी छिन् । बुधबार सिंहदरबारमा प्रतिनिधि सभा अन्तर्गत रहेको सार्वजनिक लेखा समितिको बैठकमा बोल्दै उनले उपसमितिमा सबै दलका प्रतिनिधित्व सुनिश्चित हुनुपर्ने बताएकी हुन् । 

उनले भनिन्–‘समितिको काम गर्न उपसमिति गठन गर्दै गर्दा धेरै साथीहरू आफ्नो आफ्नो पार्टीबाट आएका छौँ । सबैलाई समेटेर समावेशी गर्दा राम्रो होला भन्ने मेरो सुझाव छ ।’

सांसद खाणमाथि नक्कली भुटानी शरणार्थी बनाएर ठगी कार्यमा रहेको संलग्न रहेका व्यक्तिबाट रकम लिएको आरोप लागेको थियो । त्यसबारेको अडियो सार्वजनिक भएपनि प्रहरीले उनीमाथि अनुसन्धान प्रक्रिया अघि बढाएको छैन ।

यो पनि

लेखा समितिमा १२१ उजुरी विचाराधीन : समितिले जुनसुकै बेला पुराना फाइल खोल्न सक्ने