ललितपुरमा लाखौँको गहना र नगद चोरी
शनिबार, ०९ असार २०८०, १७ : २३
ललितपुर । ललितपुरमा लाखौँ रुपैयाँको धनमाल चोरी भएको छ । महालक्ष्मी नगरपालिका-४ केरूटोल डेरा गरी बस्ने धनकुटा बिचबजार घर भएका ४२ वर्षीय मनोज श्रेष्ठको कोठाबाट सुन र चाँदीका विभिन्न गहना तथा नगद समेत गरी करिब १० लाख रूपैयाँ बराबरको धनमाल शुक्रबार दिउँसो चोरी भएको हो ।
प्रहरीले चोरीमा संलग्न हाल फरार व्यक्तिहरूको खोजी गर्नुको साथै यस सम्बन्धमा थप अनुसन्धान गरिरहेको छ । उता मोरङको धनपालथान गाउँपालिका-४ कर्सिया बजारस्थित रंगेली नगरपालिका-७ बस्ने दिपेन सोनीको राधेकृष्ण ज्वेलर्सबाट ल्यापटप १ थान, करिब ४ तोला सुनको गहना, करिब ४ सय ४० तोला चाँदीको गहना समेत गरी करिब १० लाख ९३ हजार रूपैयाँ बराबरको धनमाल शुक्रबार बिहान चोरी भएको छ ।