विजयको ‘चरी’ मा बिना र कमलको अभिनय
बिहीबार, २१ असार २०८०, १६ : १२
काठमाडौँ । लोकप्रिय गायक एवं संगीतकार सिडी विजय अधिकारीको स्वर रहेको गीत ‘चरी’ सार्वजनिक भएको छ । गीतमा जीवनदास सुनारको शब्द, सिडी विजयक संगीत छ ।
भिडियोमा मोडेल बिना राउत र कमल सिंहको अभिनय छ । प्रेमकथा देखाउन खोजिएको भिडियो प्रहिल कार्कीले निर्देशन गरेका हुन् ।
भिडियोमा उत्तम हुमागाईँको छायांकन, सन्तोष राजवाहकको कोरियोग्राफी र माधव बेलबासेको सम्पादन छ ।
यसअघि जीवनदास सुनार र सिडी विजय अधिकारीको सहकार्यमा समीक्षा अधिकारीको स्वर रहेको ‘म चन्द्रमा हुँ ’ गीत लोकप्रिय भएको थियो ।