इन्दिरा र कालिप्रसादले अमेरिकामा सांगीतिक टुर गर्ने
काठमाडौँ । संगीतकार तथा गायक कालिप्रसाद बासकोटा र गायिका इन्दिरा जोशीले सांगीतिक कार्यक्रमका लागि अमेरिका टुर गर्ने भएका छन् । ३ ई इन्टरटेनमेन्ट एलएलसीले आयोजना गर्न लागेको ‘युएसए टुर २०२३’ मा उनीहरुको दुईको प्रस्तुति रहने भएको हो ।
काली र इन्दिराको प्रस्तुतिले संस्कृति, संगीत र एकताको उत्सवलाई मजबुत बनाउन नेपाली सांगीतिक प्रस्तुतिले दर्शकलाई मोहित बनाउने आस गरिएको आयोजक ३ ई इन्टरटेनमेन्टका सुरेश सापकोटाले बताए ।
अक्टोबर ७ देखि नोभेम्बर १४ सम्म हुने टुरको क्रममा काली र इन्दिराले अमेरिकाका प्रमुख १० सहरमा सांगीतिक प्रस्तुति दिनेछन् ।
काली नेपालका लोकप्रिय गायक, संगीतकार तथा गीतकार हुन् । उनी आत्म–उत्तेजक धुन र भावनात्मक प्रस्तुतिका लागि परिचित छन् ।
त्यस्तै गायिका इन्दिरा पनि गायनमा प्रख्यात छिन् । उनले विभिन्न सांगीतिक प्लेटफर्ममा आफ्नो गर्विलो उपस्थितिका साथ लाखौं फ्यानको मन जितिसकेकी छन् । ३ ई इन्टरटेनमेन्ट एलएलसीले अमेरिकामा यसअघि फिल्ममा हाइ प्रोफाइल इभेन्टहरु आयोजना गर्दै आएको छ ।