गायिका सिनेड ओ’कनरको निधन
बिहीबार, ११ साउन २०८०, १३ : ३६
डब्लिन । चर्चित आईरिस गायिका सिनेड ओ’कनरको ५६ वर्षको उमेरमा निधन भएको छ । उनको परिवारले बुधबार निधनको खबर सार्वजनिक गरेपनि कारणबारे चाहिँ केही खुलाएको छैन ।
ग्रामी अवार्ड विजेता गायिका सन् १९९० मा हिट गीत ‘नथिङ कम्पेयर्स टू यू बाट चर्चामा आएकी थिइन् । सन् १९८७ देखि २०१४ को बीचमा उनले १० वटा एल्बम रिलिज गरेकी थिइन् ।
क्थोलिक चर्चमा भएको बाल यौन दुर्व्यहारको विरोधमा सन् १९९२ मा अमेरिकी टेलिभिजन शो स्याटर्डे नाइट लाइभमा पोप जोन पल द्वितीयको तस्बिर च्यातेपछि उनी विवादमा पनि आइन् ।
गत जनवरीमा मात्र उनले आफ्नो १७ वर्षीय छोरा शेनलाई गुमाएकी थिइन् । उनको निधनप्रति विश्वभरबाट संगीतकर्मी तथा समर्थकहरुले श्रद्धाञ्जली व्यक्त गरिरहेका छन् ।