कालीमाटीको सटर भाडा विवाद : आज पनि किसानको धर्ना (तस्बिरहरु)
शुक्रबार, १२ साउन २०८०, ११ : ३२
काठमाडौँ । कालीमाटी तरकारी तथा फलफूल बजारका सटरहरु बिना प्रतिष्पर्धा भाडा दिन लागिएको भन्दै विवाद भएको छ । सोको विरोधमा शुक्रबार पनि राष्ट्रिय किसान सञ्जालले धर्ना दिएको छ ।
शुक्रवार बिहान सञ्जालले कालीमाटी तरकारी तथा फलफूल बजार विकास समितिको कार्यालय अगाडि धर्ना दिएको हो ।
उनीहरुले बिना प्रतिष्पर्धा भाडामा दिने सम्झौता खारेज गर्नुपर्ने, सटर र स्टलहरु खुला प्रतिष्पर्धा मार्फत भाडामा लगाइनुपर्ने, ५० प्रतिशत सटर उत्पादक किसानलाई छुट्याउन पर्ने माग गरेका छन् ।
यस्तै बजार विकास समितिमा ५० प्रतिशत किसान प्रतिनिधि सुनिश्चित हुनुपर्ने माग पनि राखेका छन् । बिहीबार पनि किसानहरुले धर्ना दिएका थिए ।