माओवादी बैठकमा ‘कुलमान’ को खोजी !
शुक्रबार, १९ साउन २०८०, १४ : १२
काठमाडौँ । माओवादी केन्द्रको केन्द्रीय समिति बैठक जारी रहेका बेला काठमाडौँका प्रज्ञा भवनमा पटक पटक बिजुली गएको छ । नेताहरू बोलिरहँदा झ्यापकी झ्याप बत्ती गएपछि बैठक नै प्रभावित बनेको एक केन्द्रीय सदस्यले जानकारी दिए ।
‘शुक्रवार बैठक सुरु भएपछि तीन चारपटक झ्याप झ्याप बत्ती जाँदा बैठक नै प्रभावित बनेको छ’, ती केन्द्रीय सदस्यले भने, ‘बत्ती गएपछि नेताहरूले कुलमानको खोजी गरेका छन् ।’
बुधवारबाट जारी बैठकको आज शुक्रवार तेस्रो दिन पनि नेताहरूले बोल्ने क्रम जारी छ ।