ललितपुर क्रिकेट संघको अध्यक्षमा शेखर श्रेष्ठ
आइतबार, २८ साउन २०८०, १५ : ४२
काठमाडौँ । ललितपुर जिल्ला क्रिकेट संघको अध्यक्षमा शेखर श्रेष्ठ निर्वाचित भएका भएका छन् । चौथौ वार्षिक साधारणसभाले श्रेष्ठको अध्यक्षतामा १५ सदस्यीय जिल्ला समिति चयन गरेको हो ।
उपाध्यक्षमा विनयकुमार श्रेष्ठ रहेका छन् । यसैगरी संघको कोषाध्यक्षमा गोविन्द मल्ल ठकुरी र सचिवमा सुजन महर्जन चयन भएका छन् ।
सदस्यहरुमा किरण श्रेष्ठ, सुजिता श्रेष्ठ मानन्धर, एलिना शाक्य, राजेन्द्र खड्का, सुधिर महर्जन, सुन्दर महर्जन र सरोज चित्रकार रहेका छन् ।
प्राश्ना शाक्य, नरेश राना र नारायण मल्ल ठकुरी पनि संघको सदस्यमा चयन भएका छन् ।