एक्सक्लुसिभ स्टोरी
युनिकोड
मिति रूपान्तरण
मेस्सीको गोलवर्षा जारी, मियामी फाइनलमा
बुधबार, ३१ साउन २०८०, ०९ : २०
मियामी । लियोनेल मेस्सीले गोल वर्षा जारी राख्दा इन्टर मियामीले फिलाडेल्फियालाई हराउँदै लिग्स कपको फाइनलमा प्रवेश गरेको छ । बुधबार भएको खेलमा मियामी ४–१ गोलले विजयी बनेको हो ।
खेलको तेस्रो मिनेटमा नै जोसेफ मार्टिनेजले मियामीलाई अग्रता दिलाएका थिए । २० औँ मिनेटमा ३६ यार्ड टाढाबाट उत्कृष्ट गोल गर्दै मेस्सीले टोलीको अग्रता दोब्बर बनाए । पहिलो हाफको इन्जुरी समयमा जोर्डी अल्बाले मियामीका लागि तेस्रो गोल गरे ।
दोस्रो हाफको ७३ औँ मिनेटमा अलेहान्द्रो बेडोयाले फिलाडेल्फियाका लागि एक गोल फर्काए पनि ८४ औँ मिनेटमा डेभिड रुइजले मियामीका लागि चौथो गोल गर्दै टोलीको जीत सुनिश्चित गरे । योसँगै टोली शनिबार हुने फाइनल खेलमा प्रवेश गरेको छ ।
खबर पढेर तपाईलाई कस्तो महसुस भयो ?
प्रतिक्रिया
लेखकको बारेमा
