काठमाडौँ । बालुवाटार स्थित ‘ललिता निवास क्याम्प’ भित्रको जग्गा हिनामिना प्रकरणमा संलग्न विरुद्ध अदालतमा अभियोगपत्र दायर गरिएको छ । जिल्ला अदालत काठमाडौँमा २९० जनालाई प्रतिवादी बनाएर अभियोगपत्र दायर गरिएको जिल्ला सरकारी वकिल कार्यालय काठमाडौँका प्रमुख अच्युतमणि नेउपानेले रातोपाटीलाई बताए ।

जिल्ला सरकारी वकिल कार्यालयले अभियोग पत्रसँगै थुनामा रहेका १८ जना प्रतिवादीलाई अदालतमा उपस्थित गराएको छ । १८ जना बाहेकका प्रतिवादीलाई फरार सूचीमा छन् ।

प्रहरीको केन्द्रीय अनुसन्धान ब्यूरोले ५७ दिनसम्म ‘संगठित किर्ते’ कसुरमा अनुसन्धान गरेर सोही कसुरमा मुद्दा चलाउन सरकारी वकिललाई राय दिएको थियो । तर, ललिता निवासमा ‘संगठित कसुर’ आकर्षित नहुने भन्दे सरकारी वकिलले ‘लिखत किर्ते’मा मात्रै सजाय र जरिवाना हुनुपर्ने मागदाबी लिएको छ ।

बालुवाटार स्थित ललिता निवास क्याम्पको १४३ रोपनी ६ आना ३ पैसा ३ दाम हिनामिना  भएको ब्यूरोको अनुसन्धान निष्कर्ष छ । सीआईबीले पूर्व उप–प्रधानमन्त्री विजयकुमार गच्छेदार सहित ४ जना पूर्वमन्त्रीहरुलाई प्रतिवादी बनाउन राय दिएको थियो । प्रहरीको राय अनुसार ४ जना पूर्वमन्त्रीलाई प्रतिवादी कायम गरिएको छ ।

सरकारी वकिलले सञ्चार मन्त्रालयका सचिव कृष्णबहादुर राउत र गृह मन्त्रालयका सह–सचिव सुशील वैद्यलाई पनि प्रतिवादी बनाएको छ ।

थुनामा रहेका प्रतिवादी

१. मिन बहादुर गुरुङ । (भाटभटेनी सुपर मार्केटका सञ्चालक, असार १२)

२. सुधीर कुमार शाह । पूर्व निर्वाचन आयुक्त ।

यो पनि

सञ्चारसचिव कृष्णबहादुर राउतविरुद्ध पनि मुद्दा चलाउने निर्णय

संगठित किर्तेमा मुद्दा नचलाउने सरकारी वकिल कार्यालयको निर्णय

दाङका प्रजिअ सुशील वैद्य जिम्मेवारीबाट हटाइए

३. गोपाल कार्की, अवकाश प्राप्त खरिदार

४. शिवजी भट्टराई, तत्कालीन वडा सचिव (असार १७)

५. घमान कुमारी कार्की, नापी सर्वेक्षक ।

६ .बाबुराजा महर्जन, नक्कली मोही ।

७. देव नारायण महर्जन, मोही ।

८. ध्रुब प्रसाद अर्याल, नापी सर्वेक्षक ।

९. योगराज पौडेल, नासु डिल्लीबजार मालपोत । (असार २६)

१०. नारायणदास मिश्र, पूर्व खरिदार डिल्लीबजार मालपोत ।

११. रुद्र प्रसाद श्रेष्ठ, महानिर्देशक भूमिसुधार तथा व्यवस्था विभाग । (असार २६)

१२. बालकृष्ण श्रेष्ठ, सिडिई भौतिक योजना तथा निर्माण मन्त्रालय ।

१३. विनोद पौडेल, सह लेखापाल समरजङ्ग कम्पनी । (असार २७)

१४. केशव तुलाधर, बिचौलिया । काठमाडौँ–३० असन । (असार ३१)

१५. अरुण कुमार श्रेष्ठ, कर्मचारी नापी विभाग । (साउन ७)

१६. कलाधर देउजा, प्रमुख डिल्लीबजार मालपोत । (साउन ५)

१७. सञ्जय महर्जन, नक्कली मोही (साउन ८)

१८. सकलानन्द महर्जन, नक्कली मोही ।