बैंकिङ कसुर मुद्दाका फरार आरोपित पक्राउ
सोमबार, ११ भदौ २०८०, २० : ५८
काठमाडौँ । बैंकिङ कसुर मुद्दाका फरार आरोपितलाई प्रहरीले पक्राउ गरेको छ । पक्राउ पर्नेमा नुवाकोटको पञ्चकन्या गाउँपालिका–२ घर भएका सन्तोष घले छन् ।
३८ वर्षीय घलेलाई काठमाडौँ महानगरपालिका–१५ स्थित छाउनीबाट पक्राउ गरिएको उपत्यका अपराध अनुसन्धान कार्यालयका एसपी रविन्द्र रेग्मीले रातोपाटीलाई बताए ।
काठमाडौँको तार्केश्वर नगरपालिका–१० मा बस्दै आएका घले विरुद्ध जिल्ला अदालत काठमाडौँले पक्राउ पुर्जी जारी गरेको छ । पक्राउ पुर्जी जारी भएसँगै उनी फरार थिए ।