बि.स्टार फिल्मस् म्युजिक अवार्ड हुने
बुधबार, १३ भदौ २०८०, १० : ५५
काठमाडौँ । नेपाली म्युजिक भिडियोको क्षेत्रमा लामो समयदेखी सक्रिए संस्था बि.स्टार फिल्मस्ले म्युजिक अवार्ड आयोजना गर्ने भएको छ । नेपाली गीतसंगीतका बिभिन्न बिधालाई समेटेर अवार्ड आयोजना गर्न लागिएको हो ।
‘बि.स्टार फिल्मस् म्युजिक अवार्ड २०२३’ नाम दिइएको अवार्डको आवेदन समेत खुल्ला भएको आयोजक संस्थाका अध्यक्ष विक्रम चौहानले जानकारी दिए ।
अवार्डमा जम्मा ४० विधा हुनेछन् । जसमा आधुनिक, लोक, लोकपप्, थारु र राष्ट्रिय गीतलाई समेटिएको छ । अवार्डको उत्कृष्ट ५ मनोनयन आगामी असोज ४ मा सार्वजनिक हुनेछ ।
यस्तै अवार्ड वितरण असोजको अन्तिम साता गर्ने तयारी भइरहेको छ । बि.स्टारबाटै तीनहजार भन्दा बढी म्युजिक भिडिओ निर्माण भएको छ ।