एक्सक्लुसिभ स्टोरी
युनिकोड
मिति रूपान्तरण
शंखमुलमा खुकुरी हानेको आरोपमा डेढ वर्षपछि युवक पक्राउ
आइतबार, १७ भदौ २०८०, २० : २४
काठमाडौँ । काठमाडौँको शंखमुलमा खुकुरी हानेको आरोपमा प्रहरीले डेढ वर्षपछि एकजनालाई पक्राउ गरेको छ । पक्राउ पर्नेमा रामेछापको मन्थली नगरपालिका–११ घर भएका सुमन थापा मगर उर्फ निरज छन् ।
२०७८ चैत ९ मा शंखमुलमा सुरज खड्कालाई खुकुरी प्रहार गरेको घटनामा सुमन संलग्न रहेको उपत्यका अपराध अनुसन्धान कार्यालयका एसपी रविन्द्र रेग्मीले रातोपाटीलाई बताए । सो घटनामा संलग्नहरु विरुद्ध प्रहरीले ज्यान मार्ने उद्योग मुद्दामा अनुसन्धान गरेको थियो ।
कपन बस्दै आएका ३० वर्षीय सुमनलाई चाबहिलबाट पक्राउ गरिएको एसपी रेग्मीले जानकारी दिए । आरोपितलाई थप अनुसन्धान र कारवाहीका लागी प्रहरी वृत्त बानेश्वरमा पठाइएको छ ।
खबर पढेर तपाईलाई कस्तो महसुस भयो ?
प्रतिक्रिया
लेखकको बारेमा
