अनलाइनमार्फत झुटो रिसिप्ट पठाएर ११ लाख ठगी
२२ वर्षीय युवक पक्राउ
बिहीबार, २१ भदौ २०८०, २१ : २२
काठमाडौँ । सामाजिक सञ्जाल ‘इन्स्टाग्राम’लाई दुरुपयोग गरेर ठगेको आरोपमा प्रहरीले एकजनालाई पक्राउ गरेको छ । पक्राउ पर्नेमा ललितपुरको गोदावरी नगरपालिका घर भएका २२ वर्षीय सुसन घिमिरे छन् ।
इन्स्टामा विकास राना नामका व्यक्तिसँग कुरा गरेर आफु युकेमा भएको र औंठी गिफ्ट पठाउने बहानामा घिमिरेले ठगी गरेको उपत्यका अपराध अनुसन्धान कार्यालयका एसपी रविन्द्र रेग्मीले रातोपाटीलाई बताए ।
अनलााइनमार्फत सामान अर्डर गरेर बैंक खातामा रकम पठाउँछु भन्दै घिमिरेले खातामा रकम पठाएको झुटो रिसिप्ट पठाएर ठगी गरेका हुन् । उनले १० लाख ९५ हजार ५ सय रकम ठगी गरेको अनुसन्धानबाट थाहा भएको छ । उनलाई थप अनुसन्धानका लागि जिल्ला प्रहरी परिसर टेकुमा पठाएको एसपी रेग्मीले बताए ।