नेम्वाङको निधनप्रति जनमत पार्टीद्वारा दुःख व्यक्त
मङ्गलबार, २६ भदौ २०८०, २१ : १९
काठमाडौँ । जनमत पार्टीले संविधानसभाका अध्यक्ष एवं नेकपा (एमाले) का उपाध्यक्ष सुवास नेम्वाङको निधनप्रति दुःख व्यक्त गरेको छ ।
“संविधानसभा अध्यक्ष एवं नेकपा (एमाले) का उपाध्यक्ष नेम्वाङको असामयिक निधन भएको हुँदा उहाँप्रति जनमत परिवार हार्दिक श्रद्धाञ्जली व्यक्त गर्दछौँ । तथा शोकाकुल परिवारप्रति गहिरो समवेदना प्रकट गर्दछौँ,” सो पार्टीका केन्द्रीय प्रवक्ता डा शरदसिंह यादवले जारी गरेको विज्ञप्तिमा उल्लेख छ ।
संविधानसभाका अध्यक्ष एवं नेकपा (एमाले) का उपाध्यक्ष नेम्वाङको ७१ वर्षको उमेरमा आज बिहान असामयिक निधन भएको हो ।