फर्नान्डेजको निर्णायक गोलमा युनाइटेड विजयी
आइतबार, ०७ असोज २०८०, ०९ : ११
लण्डन । ब्रुनो फर्नान्डेजको उत्कृष्ट गोलको मद्दतले म्यानचेस्टर युनाइटेडले प्रिमियर लिगमा बर्नलीमाथि संघर्षपूर्ण जीत हासिल गरेको छ । हालसम्म जीतविहीन रहेको बर्नलीलाई युनाइटेडले १–० गोलले हराएको हो ।
पहिलो हाफको अन्तिम मिनेटमा कप्तान फर्नान्डेजले जोनी इभान्सको पासमा भलीमार्फत उत्कृष्ट गोल गरेका थिए । उता बर्नलीले पनि युनाइटेडमाथि दबाब राखेको थियो । तर, गोल गर्न भने असमर्थ रह्यो ।
जीतपछि युनाइटेड लिगको आठौँ स्थानमा उक्लिएको छ । ६ खेलपछि युनाइटेडको ९ अङ्क रहेको छ । बर्नली भने मात्र १ अङ्कसहित लिगको पुछारमा रहेको छ ।