जापान पठाइदिने बहानामा ४६ लाख ठगी गर्ने मेनपावर संचालक पक्राउ
आइतबार, १४ असोज २०८०, १७ : २५
काठमाडौँ । जापान पठाइदिने बहानामा ४६ लाख ठगी गर्ने मेनपावर संचालक पक्राउ पक्राउ परेका छन् । काठमाडौँ उपत्यका अपराध अनुसन्धान कार्यालयको टोलीले मोरङको लेटाङ न.पा. वडा नं. २ घर भई हाल धुम्बाराही बस्ने डिल्लीराम खतिवडालाई पक्राउ गरेको हो ।
उनले ढकराज आचार्य समेत १२ जनालाई वैदेशिक रोजगारीको लागि जापान पठाइदिने बहानामा छयालीस लाख रुपैयाँ ठगी गरेको उजुरी परेको थियो । पीडितहरुले वैदेशिक रोजगार विभागमा निवेदन दिएकोसँगै खोजतलासका क्रममा कोटेश्वरबाट पक्राउ गरिएको कार्यालयले जनाएको छ ।