विश्वकपको प्रारम्भिक छनोट खेल
अञ्जनको कीर्तिमानी गोलमा नेपाल र लाओस बराबर
बिहीबार, २५ असोज २०८०, १९ : ३६
काठमाडौँ । फिफा विश्वकप फुटबलका लागि प्रारम्भिक चरणको छनोट खेलमा नेपाल र लाओसले बराबरी खेलेका छन् । त्रिपुरेश्वरस्थित दशरथ रंगशालामा भएको खेल १–१ को बराबरीमा सकिएको हो ।
बाउफाचान बाओनकोङले पहिलो हाफको ३३ औँ मिनेटमा लाओसलाई अग्रता दिलाएका थिए । तर, दोस्रो हाफको सुरुवातमा नै नेपालले बराबरी गोल फर्कायो । ४८ औँ मिनेटमा अञ्जन विष्टले नेपालका लागि गोल गरे ।
योसँगै उनले अन्तर्राष्ट्रिय फुटबलमा नेपालका लागि सर्वाधिक गोल गर्ने हरि खड्का र निराजन रायमाझको १३ गोलको कीर्तिमान बराबरीसमेत गरेका छन् । अब दोस्रो लेग खेल्न नेपाल लाओस जानेछ ।