आठ रन बनाउँदै आउट भए सोमपाल कामी
बिहीबार, ०९ कात्तिक २०८०, ११ : २८
काठमाडौँ । त्रिकोणात्मक टी—२० क्रिकेट शृंखलाको आफ्नो तेस्रो खेलमा शनिबार नेपालले हङ्कङको सामना गर्दैछ । काठमाडौँको मुलपानी क्रिकेट मैदानमा जारी उक्त खेलमा टस जिती पहिले ब्याटिङको निणर्य लिएको नेपालले आफ्नो दोस्रो विकेट गुमाएको छ ।
नेपालले दोस्रो विकेटका रुपमा सोमपाल कामीलाई गुमाएको हो । तेस्रो नम्बरमा क्रिज समाल्न आएका सोमपाल १२ बलमा एक चौकाको मद्दतले आठ रन बनाउँदै आउट भए ।
उनलाई हङ्कङका बलर इजाज खानले बाबर हायातद्वारा क्याच गराएका हुन् । सोमपाल आउट हुँदा नेपालले ४.१ ओभरमा २६ रन बनाएको छ ।