टी-२० विश्वकप छनोट
अविनाषले लिए ओमानको चौथो विकेट
आइतबार, १६ वैशाख २०८१, १४ : ०२
काठमाडौँ । टी-२० विश्वकप छनोट प्रतियोगिताको फाइनल खेलमा नेपालले दिएको एक सय ८५ रनको लक्ष्य पछ्याउँदै जवाफी ब्याटिङमा ओर्लिएको ओमानले आफ्नो चौथो विकेट गुमाएको छ ।
ओमानको चौथो विकेट अविनाष बोहराले लिएका हुन् । उनले ओमानका प्रभावशाली ओपनर ब्याट्सम्यान कश्यप प्रजापतीलाई आउट गराएका हुन् । अविनाषले कश्यपलाई कप्तान रोहित पौडेलद्वारा क्याच गराए ।
पेभेलियन फर्किनुअघि ओपनर ब्याट्सम्यान कश्यपले ६३ रन बनाएका थिए । उनले केवल ५२ बलको सामना गरी चार छक्का र तीन चौका पनि हिर्काएका थिए । कश्यप आउट हुँदा ओमानले १६.५ ओभरमा चार विकेट एक सय ४६ रन बनाएको छ ।