एक्सक्लुसिभ स्टोरी
युनिकोड
मिति रूपान्तरण
एन्जेलो म्याथ्युज 'टाइम आउट' हुँदा मैदानमा के भयो ? आईसीसीले सार्वजनिक गर्यो तस्बिर
नयाँ दिल्ली । आईसीसीले सोमबार ट्वीट गर्दै श्रीलंकाका खेलाडी एन्जेलो म्याथ्युज अन्तर्राष्ट्रिय क्रिकेटको इतिहासमा टाइमआउट हुने पहिलो खेलाडी बनेको बताएको छ ।
दिल्लीको अरुण जेटली स्टेडियममा भइरहेको खेलमा म्याथ्युज बंगलादेशविरुद्ध खेल्न आएका थिए । उनी क्रिजमा तल आएर बलरको सामना गर्न जाँदै थिए जब उनले आफ्नो हेल्मेट कस्ने प्रयास गरे। तर, त्यसो गर्दा उनको हेल्मेटको स्ट्र्याप फुट्यो, त्यसपछि उनले नयाँ हेल्मेटको माग गरे ।
आईसीसीले क्रमशः यो सम्पूर्ण मामिलाको तस्बिर सार्वजनिक गरेको छ ।
पहिलो तस्बिरमा एन्जेलो म्याथ्युज हातमा हेलमेट बोकेका देखिन्छन् । त्यस्तै अर्को तस्विरमा उनको अनुहारमा आक्रोश देखिन्छ । आईसीसीको नियम अनुसार क्रिजमा रहेका खेलाडी आउट हुँदा उनको प्रतिस्थापनले बढीमा दुई मिनेटभित्र बलरसँग सामना गर्न तयार हुनुपर्छ ।
यस्तो अवस्थामा बंगलादेशको अपील फिर्ता भएको भए अम्पायरले म्याथ्युजलाई टाइमआउट घोषणा गर्ने निर्णयबाट बच्न सक्थे। म्याथ्युजले यसबारे बंगलादेश क्रिकेट टोलीसँग पनि कुरा गरेका थिए तर शकिब अल हसन आफ्नो निर्णयमा अडिग थिए ।
यस्तो अवस्थामा अन्तर्राष्ट्रिय क्रिकेटको इतिहासमा पहिलो पटक कुनै खेलाडीलाई अम्पायरले टाइम आउट घोषणा गरेको हो ।
ईसीसीले म्याथ्युजको हातमा भाँचिएको हेलमेट देखिएको तस्बिर पनि सार्वजनिक गरेको छ ।
यससँगै सामाजिक सञ्जालमा भाइरल भइरहेको भिडियोमा म्याथ्युजले मैदानबाट बाहिरिएपछि आफ्नो हेल्मेट र ब्याटका साथै पन्जा फ्याँकेको देखिन्छ ।
Angelo Mathews became the first batter in international cricket to be dismissed in this manner 👀
— ICC (@ICC) November 6, 2023
Why was he given out? 🧐#CWC23 #BANvSLhttps://t.co/4VS5s1Nf5s
खबर पढेर तपाईलाई कस्तो महसुस भयो ?
प्रतिक्रिया
लेखकको बारेमा
