मस्को । रुसको रक्षा मन्त्रालयले मंगलबार बिहान कालो सागरमा क्रिमियामाथि आक्रमण गर्ने १७ युक्रेनी ड्रोन खसालेको जनाएको छ । रुसी रक्षा मन्त्रालयका अनुसार ९ ड्रोनलाई वायु रक्षा प्रणालीबाट खसालिएको थियो भने ८ वटा इलेक्ट्रोनिक माध्यमबाट खसालेका थिए ।

यसअघि सेभास्टोपोल सहरका गभर्नर मिखाइल रज्भोजायेभले यस तटीय सहरमा करिब पाँचवटा ड्रोन खसालेको बताएका थिए। यस आक्रमणको क्रममा क्रिमियन प्रायद्वीपमा हवाई आक्रमणको चेतावनी जारी गरिएको थियो र यस क्षेत्रलाई रूसको मुख्य भूमिसँग जोड्ने महत्त्वपूर्ण पुलमा यातायात रोकिएको थियो।

यसबारे युक्रेनबाट भने कुनै प्रतिक्रिया आएको छैन । हालैका महिनाहरूमा युक्रेनले रूसी सैन्य लक्ष्यहरूमा आक्रमणलाई तीव्र बनाएको छ। क्रिमिया एक विवादित क्षेत्र हो जुन सन् २०१४ मा रूसले कब्जा गरेको थियो। पहिले यो युक्रेनसँग थियो। युक्रेनले यसलाई आफ्नो भागको रूपमा दाबी गर्दछ।

यो प्रायद्वीप युक्रेनमा रसियाको सैन्य अभियानको लागि पनि धेरै महत्त्वपूर्ण छ किनभने यो रूसी सेनाको आपूर्ति मार्गको एक महत्त्वपूर्ण भाग हो।