राष्ट्रिय जनस्वास्थ्य प्रयोगशालाको निर्देशकमा डा. भट्ट
मङ्गलबार, २६ मङ्सिर २०८०, १८ : १४
काठमाडौँ । राष्ट्रिय जनस्वास्थ्य प्रयोगशालाको निर्देशकको जिम्मेवारी डा.रञ्जनराज भट्टलाई दिएको छ ।
स्वास्थ्य मन्त्री मोहनबहादुर बस्नेतले मंगलबार मन्त्रीस्तरीय निर्णय गर्दै प्रयोगशालाको निर्देशक डा. रुणा झालाई जिम्मेवारीबाट हटाएर डा. भट्टलाई दिएका हुन् ।
एघारौँ तहका डा. झालाई हटाएर एघारौँ तहका डा भट्टलाई निर्देशक बनाइएको हो । डा.झालाई प्रयोगशालामै राखिएको छ ।
यस्तै, मन्त्री बस्नेतले कान्ति बाल अस्पतालमा कार्यरत ११औँ तहकी नर्स रोशनी लक्ष्मी तुईतुईको टेकुस्थित शुक्रराज ट्रपिकल तथा सरुवा रोग अस्पतालमा सरुवा गरेका छन् ।