धनगढी एफसीमाथि बुटवल लुम्बिनी एफसीको जित
मङ्गलबार, ०४ वैशाख २०८१, १८ : ३३
बुटवल । नेपाल सुपर लिगको दोस्रो संस्करणको तयारीमा रहेको बुटवल लुम्बिनी एफसीले धनगढी एफसीमाथि जित निकालेको छ ।
दुई मैत्रीपूर्ण खेलमा बुटवल लुम्बिनी एफसीले धनगढी एफसीमाथि जित निकालेको हो ।
बुटवलस्थित एन्फा एकेडेमीको मैदानमा सोमबार भएको दोस्रो खेलमा बुटवल लुम्बिनी एफसीले २—१ गोलको जित निकालेको छ ।
यसअघि शनिबार भएको पहिलो खेलमा बुटवल लुम्बिनीले एफसीले १—० गोलको जित निकालेको थियो ।
बुटवल लुम्बिनी एफसीका प्राविधिक प्रमुख याम बहादुर गुरुङले खेलाडीहरूका बिचमा आत्मीयता विकासका लागि खेल आयोजना गरिएको बताए ।