नेपालमा सुटुक्क फिल्म छायांकन गरेर फर्किए खेसारीलाल
बुधबार, ३० जेठ २०८१, १६ : ०६
काठमाडौँ । भोजपुरी सुपरस्टार खेसारीलाल यादवको फिल्म ‘निरहुवा हाजिर हो’ नेपालमा छायांकन गरिएको छ । फिल्मको ४ गीतसहित केही दृश्य समेत नेपालमा छायांकन सकाएर उनी आइतबार पटना फर्किएको फिल्मका नेपाल व्यवस्थापक सुवास काफ्लेले बताए ।
काफ्लेका अनुसार स्वयम्भू, भक्तपुर दरबार क्षेत्र, साँगा महादेव, नगरकोट र राजधानीको एक डिस्कोमा छायांकन भएको हो । नेपालमा उनको फ्यान पनि राम्रो भएकोले फिल्म छायांकनमा अवरोध पुग्ने हिसाबले फिल्मको छायांकन गोप्य राखिएको हो ।
फिल्मको एक गीतमा खेसारीलालसँग नेपाली मोडल उषा उप्रेतीले पनि अभिनय गरेकी छन् । भारतको बिहारसहित नेपालको मधेस प्रदेशमा खेसारीलालको क्रेज राम्रो छ ।