इस्लामाबाद । स्पट फिक्सिङ काण्डमा ५ वर्षको प्रतिबन्धको सामना गरेका सलमान बटलाई पाकिस्तान क्रिकेट टोलीको छनोट समितिबाट हटाइएको छ । टोलीका मुख्य चयनकर्ता वहाब रियाज आफैले शनिबार राति यो जानकारी दिएका हुन् ।

एक दिनअघि सलमान बटलाई वहाब रियाजको सल्लाहकार बनाइएको थियो । त्यसपछि पाकिस्तानका पूर्व क्रिकेटरहरूले बटलाई छनोट समितिमा समावेश गरेकोमा आलोचना गरेका थिए । यस्तो अवस्थामा पाकिस्तानी क्रिकेट बोर्डले बटलाई चयन समितिबाट हटाउने निर्णय गरेको हो ।

सन् २०१० मा इङ्ल्यान्डसँगको खेल फिक्सिङ गरेको आरोपमा सलमान बटलाई ५ वर्षको प्रतिबन्ध लागेको थियो, जुन २०१५ मा समाप्त भएको थियो । उनी २०१६ मा घरेलु क्रिकेटमा फर्किए र निकै सफल भए, तर राष्ट्रिय टोलीमा फर्किन सकेनन् ।

सलमान बटले पाकिस्तानका लागि ३३ टेस्ट खेलमा ३०.४७ को औसतमा १८८९ रन बनाएका छन् । उनले ७८ एकदिवसीय खेलमा ३६.३३ को औसतमा २७२५ रन बनाएका छन् । जहाँ उनले २४ टी–२० खेलमा २८.३३ को औसतमा ५९५ रन बनाएका छन् । उनले कोलकाता नाइट राइडर्सबाट ७ आईपीएल खेल पनि खेलेका छन् जसमा उनले १९३ रन मात्र बनाउन सकेका थिए ।