‘पानी ट्याङ्की’ युवा समूहको देउसी–भैलोको रकम जाजरकोटका भूकम्पपीडितलाई
बुधबार, ३० जेठ २०८१, ११ : ४९
काठमाडौँ । काठमाडौँको बौद्ध–महांकालमा रहेको पानी ट्याङ्की युवा समूहले तिहारमा खेलेको देउसी भैलोबाट सङ्कलन भएको रकम जाजरकोटका भूकम्प प्रभावितलाई भोजन सेवामा खर्च गरेको छ ।
जाजरकोट सदरमुकाम खलंगाबाट २ किलोमिटर दुरीमा रहेको तल्लो थाप्ले गाउँका ३५० जनालाई बिहान बेलुका दुई छाक खानाको व्यवस्थापन गरेको समूहका अध्यक्ष उमेश सापकोटाले जानकारी दिए ।
यसका साथै समूहको तर्फबाट भूकम्प पीडितहरूलाई ब्ल्याङकेट र न्यानो कपडाहरू सहयोग गरिएको उनले बताए ।
तिहारमा देउसी भैलो खेलेको रकमका साथै बौद्ध–महांकालका टोल बासी तथा देश विदेशमा रहेका साथीभाइहरुको सहयोगबाट जाजरकोट पुगेर भूकम्प प्रभावितहरूलाई सहयोग गरेको सापकोटाले जानकारी दिए ।