रातोपाटी समाचार प्रभावः मनोज बचाउ अभियानको दुई दुई सातामा ५ लाख संकलन
गुल्मी । दुवै मृगौला फेल भई रातोपाटीमार्फत सवैसँग सहयोगको अपिल गरेका रेसुङ्गा नगरपालिका–२, वाँझी पोखराका मनोज बिकका लागि दुई हप्तामै झण्डै ५ लाख रकम संकलन भएको छ ।
मनोज बचाउ अभियानका क्रममा स्वदेश र विदेश गरी उक्त रकम संकलन भएको हो ।
अभियानका संयोजक तथा रेसुङ्गा नगरपालिकाका वडाध्यक्ष उदयबहादुर थापाले बिहीबार एक समारोहका विच ३ लाख ६ हजार रुपैयाँ मनोजका आफन्त देवबहादुर बिकलाई हस्तान्तरण गरेका छन् ।
त्यस्तै युएई दुवईमा कार्यरत रुरु–२, ग्वादीका वावुराम गोतामे सुनार , सोही वडा वलेटक्सार घर भई नाईजेरियामा रहेका गोपाल विसी र वलेटक्सार घर भई काठमाडौमा कार्यरत यमबहादुर बिकले सामाजिक संञ्जाल मार्फत विश्वभर छेडेको मनोज बचाउ अभियानले एक हप्ता मै १ लाख ५१ हजार २ सय ७९ रुपैयाँ संकलन गरेको जानकारी दिएका छन् ।
यस्तै रेसुङ्गा नगरपालिका वडा नम्वर २ का वडाध्यक्ष थापा सहित त्यहाँका जनप्रतिनिधीले वडास्तरमा मनोज बचाउ अभियान चलाउँदा ७५ हजार भन्दा बढि रकम उठाउन सफल भएका छन् ।
मनोजकी आमा मैयाँ बिकको दुवै मृगौला फेल भएको उनको भन्दा पहिल्लै हो । आमाको मृगौला फेर्न सकिन्छ कि भनेर २ लाख ऋण काढेर विदेश पुगेका मनोज आफ्नै मृगौला फेल भई गएको १० महिना मै विदेशबाट फर्किनु परेको थियो ।
‘मलाई बचाउन भन्दै विदेश पुगेको छोरा कै मृगौला फेल भई जिवन मरणको दोसाँधमा प¥यो भने अव म बरु मरुँला मेरो छोरा बचाई दिए सवैको जयजय हुने थियो’ उनकी आमा मैयाँको गुनासो छ ।