आफ्नै छोरीसँग ‘दुष्कर्म’ गर्ने एउटा बाबु जेलमा अर्को हिरासतमा
गुल्मी – गुल्मीको छिमेकी जिल्ला प्युठानमा गत केही दिनमै दुई छोरी आफ्नै बाबुबाट ‘दुष्कर्म’ भएका घटना बाहिर आएको छन् ।
यसले मानवीय संवेदनामाथि नै प्रश्न उठाउने ठाँउ दिएको छ ।
केही दिन अगाडि १७ वर्षकी छोरीलाई ‘दुष्कर्म’ गर्ने एक बाबु जेल चलान भएका छन् ।
अर्को वर्षकी छोरीलाई ‘दुष्कर्म’ गर्ने अन्दाजी ४० बर्षका बाबुलाई मंगलवार मुद्धा दर्ता गरी हिरासतमा लिईएको त्यहाँको प्रहरीले जनाएको छ ।
प्युठान प्रहरी प्रमुख डीएसपी राजेन्द्र पोखरेलले जानकारी दिए अनुसार पक्राउ गर्न जाँदा बाबुले विष सेवन गरी आत्महत्या गर्न खोजेका थिए ।
प्रहरीले पहिला उनलाई अस्पतातमा पुराएको र पछि जेल चलान गरेको डीएसपी पोखरेलले बताए ।
प्रहरीका अनुसार ती बाबुले तीन बर्षदेखि यस्तो ‘दुष्कर्म’ गर्दै आएका थिए ।
छोरीसँग ‘दुष्कर्म’ गर्ने दुवै बाबुका श्रीमति छन् ।
हिजो मुद्दा दर्ता भएका अर्का बाबुले १६ बर्षकी छोरीसँग ‘दुष्कर्मर्’ गरेको प्रहरीको भनाई छ ।
डीएसी पोखरेलले यस्ता घटना बाहिर आएलगत्तै आफुहरुले कारवाही प्रक्रिया अगाडि बढाएको बताए ।
केहि दिन अघि प्युठानमै दाजु वहिनीबीच प्रेम सम्वन्ध भएको र पछि भागी विवाह गरेको समाचार आएको थियो ।
परिवारजनले छुटाउन चाहेपछि उनीहरुले विष सेवन गरी एकै साथ देह त्याग गरेका थिए ।