बुटवलमा एभरेष्ट बैंक भित्रैबाट सेवाग्राहीको रकम लुटियो
आइतबार, १७ भदौ २०७५, १३ : २८
बुटवल– आइतबार बिहान बुटबलस्थित एभरेष्ट बैंक भित्रैबाट रकम लुटिएको छ ।
विपी चेकमा रहेको बैंकमा रकम जम्मा गर्न गएका दिनेश ज्ञवालीको बिहान १० बजेट र ५ मिनेट जाँदा २ लाख २३ हजार रुपैयाँ रकम लुटिएको हो ।
ज्ञवालीको नेपागञ्ज रोडमा दुर्गा प्लास्टिक हाउस रहेको छ ।
तीन जनाले बैंक भित्रबाटै रकम लुटेको बैंकको सिसिटीभी क्यामेरामा कैद भएको छ ।
लुटेराबारे थप अनुसन्धान भइरहेको इलाका प्रहरी कार्यालय बुटवलले जनाएको छ ।