भरतपुर–१९ को मतगणना साढे १० बजेदेखि शुरु
शुक्रबार, २० साउन २०७४, २२ : २४
काठमाडौँ – भरतपुर महानगरपालिकाको वडा नम्बर १९ मा भएको पुनः मतदानको मतगणना आज रातीदेखि शुरु गर्ने सर्वदलीय बैठकले निर्णय गरेको छ । मतगणना राती साढे १० बजेदेखि शुरु गर्ने दलहरुबीच सहमति भएको हो ।
मतगणनास्थलमा चारवटा स्थानबाट मतगणना शुरु गरिने छ भने एक पार्टीबाट एक जनामात्र प्रतिनिधिलाई राखिने छ ।
वडा नम्बर १९ मा ३७ सय ९७ मतदाता रहेकोमा आज २८ सय ७० जनाले मतदान गरेका छन् । यो अघिल्लो चुनावमा खसेको मतभन्दा २७ मतले कम हो ।
भोलि बेलुकासम्म मतगणना सक्ने राखिएको छ ।