यू–१९ क्रिकेट टोलीको बिदाइ
बुधबार, १० फागुन २०७९, १३ : ०३
काठमाडौँ । आईसीसी यू–१९ पुरुष विश्वकपको एसिया छनोट प्रतियोगिता खेल्ने नेपाली टोलीलाई बिदाइ गरिएको छ । यूएईमा आयोजना हुने प्रतियोगिता खेल्न जाने नेपाली टोलीको नेपाल क्रिकेट संघ (क्यान) ले बुधबार बिदाइ गरेको हो ।
नेपाली टोली बुधबार नै त्यसतर्फ प्रस्थान गर्नेछ । नेपाली टोलीलाई राष्ट्रिय खेलकुद परिषद (राखेप) का सदस्य सचिव टंक लाल घिसिङ, क्यानका अध्यक्ष चतुर बहादुर चन्द लगायत क्यानका पदाधिकारीले बिदाइ गरे ।
प्रतियोगिता फागुन १२ देखि यूएईमा सुरु हुनेछ । प्रतियोगितामा नेपालसहित सिंगापुर,कतार,हङकङ,मलेसिया र आयोजक यूएईको सहभागीता रहेको छ । नेपालको पहिलो खेल २४ फेब्रुअरीमा सिंगापुरविरुद्ध रहेको छ ।