स्वस्थ रहनका लागि शरीरलाई नियमित रुपमा सफा गर्न जरुरी छ । हामी नुहाउँदा शरीरका सबै अंगहरू सफा गर्छौं तर नाभिको सरसफाइलाई अक्सर बेवास्ता गर्छौं । नाभि शरीरको सबैभन्दा महत्त्वपूर्ण र संवेदनशील अंगहरू मध्ये एक हो, त्यसैले समय–समयमा नाभि सफा गर्नु धेरै महत्त्वपूर्ण छ । के तपाईँलाई थाहा छ, नाभिमा फोहोर जम्मा हुँदा संक्रमणको जोखिम बढ्छ ? वास्तवमा नाभिमा पसिना, धुलो, साबुन वा पानी जम्मा हुँदा धेरै प्रकारका हानिकारक ब्याक्टेरियाहरू बढ्न थाल्छन् । यी ब्याक्टेरियाले इन्फेक्सन फैलाउँछ, जसका कारण नाभिमा चिलाउने, सुन्निने, दुख्ने र पिप तथा पानी आउने जस्ता समस्याहरू सुरु हुन्छन् । नियमित सरसफाई नगर्दा नाभिको रङ पनि कालो हुन सक्छ । यति मात्र होइन नाभिबाट अनौठो गन्ध पनि आउन थाल्छ । अर्कोतर्फ, नाभि सफा गर्दा स्वास्थ्यका लागि मात्र नभई छालाको लागि पनि धेरै फाइदाहरू छन् । आउनुहोस्, नाभी सफा गर्दा हुने फाइदा र सही तरिका बारे जानकारी लिऔँ ।

नाभि सफा गर्नुका फाइदा 

पाचन प्रणाली बलियो हुनेछ
नाभिको सरसफाई स्वास्थ्यका साथै छालाको लागि पनि निकै फाइदाजनक हुन्छ । नाभिमा तेल लगाउनाले छालाको नमी कायम रहन्छ । यसले छालालाई मुलायम र चम्किलो बनाउँछ। नाभिमा नियमित तेल लगाउनाले छाला सुख्खा हुने समस्या पनि हट्छ ।

तनाव हट्नेछ
नाभिमा तेल लगाउने र सफा गर्नाले मानसिक तनाव कम हुन्छ। नाभिको सरसफाईले मन शान्त रहन्छ । यसले तपाईको सबै थकान हटाउँछ र तपाई आराम महसुस गर्नुहुन्छ।

जोर्नी दुखाईबाट आराम मिल्नेछ
नाभि सफा गरेर जोर्नी दुख्ने समस्याबाट पनि राहत पाउन सकिन्छ । वास्तवमा नाभिमा तेल लगाउनाले हड्डी बलियो हुन्छ । जसले गर्दा जोर्नी दुख्ने समस्या पनि धेरै हदसम्म कम हुन्छ ।
आँखा स्वस्थ रहनेछ
नाभिको सरसफाइ र त्यहाँ तेल हाल्नु पनि आँखाको स्वास्थ्यका लागि निकै फाइदाजनक हुन्छ । नियमित रूपमा नाभिमा तेल लगाउनाले आँखामा जलन, चिलाउने र सुख्खापनको समस्या हट्छ ।

प्रजनन स्वास्थ्यका लागि लाभदायक
नाभिको सरसफाई महिलाहरुका लागि विशेष गरी लाभदायक हुन्छ । नाभिमा नियमित तेल लगाउनाले महिलाको प्रजनन स्वास्थ्यमा सुधार हुन्छ । जसका कारण महिनावारी र प्रजनन सम्बन्धी समस्या पनि कम हुन थाल्छ ।

कपाल स्वस्थ हुनेछ
नाभि सफा राख्नाले कपाललाई स्वस्थ राख्न मद्दत गर्छ । यसले कपाल झर्ने र सेतो कपालको समस्या हटाउँछ । साथै, कपाल बलियो, लामो र बाक्लो हुन्छ।

नाभि कसरी सफा गर्ने ?
नाभि सफा गर्न मनतातो पानी र नुन प्रयोग गर्न सक्नुहुन्छ । नुनमा एन्टी–माइक्रोबियल र एन्टी– इन्फ्लेमेटरी गुण हुन्छ, जसले ब्याक्टेरियासँग लड्न मद्दत गर्छ । यसका लागि मनतातो पानीमा एक चिम्टी नुन हाल्नुहोस् । अब यो पानीले आफ्नो नाभिलाई राम्ररी सफा गर्नुहोस् । त्यसपछि नाभिमा तोरीको तेल वा अन्य कुनै तेल लगाउनुहोस् ।