'ए' डिभिजन लिग : नवप्रवेशी टिम खुमलटारको विजयी सुरुवात
शुक्रबार, १९ फागुन २०७९, १९ : ५५
काठमाडौँ । एफसी खुमलटारले सहिद स्मारक 'ए' डिभिजन लिग २०७९ मा विजयी सुरुआत गरेको छ ।
शुक्रबार भएको उद्घाटन खेलमा फ्रेन्ड्स क्लबलाई १-० गोल अन्तरले हराउँदै खुमलटारले सुखद सुरुआत गरेको हो ।
त्रिपुरेश्वरस्थित दशरथ रंगशालामा खुमलटारको जितमा मेसुके ओलुमोउले निर्णायक गोल गरे ।
ओलुमोउले खेलको ८९ औं मिनेटसम्म गोल गर्दै टिमलाई जित दिलाए ।
जितसँगै खुमलटारले पहिलो खेलमा ३ अंक जोडेको छ । फ्रेन्ड्सले हारबाट लिगको सुरुआत गरेको छ ।