'ए' डिभिजन लिग : चर्च ब्वाइजको जित
शुक्रबार, २६ फागुन २०७९, २० : ३८
काठमाडौँ । चर्च ब्वाइज युनाईटेडले सहिद स्मारक 'ए' डिभिजन लिग फुटबलमा लगातार तेस्रो जित निकालेको छ ।
त्रिपुरेश्वरस्थित दशरथ रंगशालामा शुक्रबार हिमालयन शेर्पा क्लबलाई १-० गोल अन्तरले हराएको हो ।
चर्च ब्वाइजको जितमा आशिष चौधरीले निर्णायक गोल गरे । खेलको २० औं मिनेटमा आशिषले निर्णायक गोल गरेका हुन् ।
जितसँगै चर्च ब्वाइजले ३ खेलमा ९ अंक जोडेर शीर्ष स्थानमा कायम छ ।
हिमालयनको यो पहिलो हार हो । हिमालयनले ३ खेलमा ४ अंक जोडेको छ ।
यसअघि आज भएको अर्को खेलमा थ्री स्टारले खुमलटारलाई हराएको छ ।