धनुषा प्रहरीको हिरासतबाट भागेका थप १ जना थुनुवा पक्राउ
आइतबार, २८ फागुन २०७९, ११ : ०८
काठमाडौँ । धनुषास्थित इलाका प्रहरी कार्यालय महेन्द्रनगरको हिरासतबाट भागेका थप १ जना थुनुवालाई प्रहरीले पक्राउ गरेको छ । हिरासतको पर्खाल भत्काएर माघ १६ मा ६ जना थुनुवा भागेका थिए ।
हातहतियार र खरखजाना मुद्दामा अनुसन्धान भइरहेका ३६ वर्षीय शंकर सिंह महतोलाई पर्साको बीरगञ्जबाट पक्राउ गरिएको जिप्रका धनुषाका डीएसपी बेदप्रसाद गौतमले बताए । शंकर सिंह बीरगञ्जको इनर्वास्थित भन्सार नाका हुँदै भारततर्फ भाग्न लागेका थिए । भागेका थुनुवाहरुमध्ये एकजना अझै फरार छन् ।