सङ्क्रमणकालीन न्यायसम्बन्धी संशोधन विधेयकमाथि विचार गरियोस् भन्ने प्रस्ताव पारित
काठमाडौँ । प्रतिनिधि सभाबाट व्यक्तिको छानबिन, सत्य निरूपण तथा मेलमिलाप आयोग (तेस्रो संशोधन) विधेयक, २०७९ माथि विचार गरियोस् भन्ने प्रस्ताव सर्वसम्मतले पारित भएको छ ।
आइतबार बसेको प्रतिनिधि सभाको बैठकमा कानुन, न्याय तथा संसदीय मामिला मन्त्रीसमेत रहेका प्रधानमन्त्री प्रचण्डको तर्फबाट सञ्चारमन्त्री रेखा शर्माले प्रस्तुत गरेको विधेयकमाथि सैद्धान्तिक छलफलपछि सभामुख घिमिरेले सो विधेयकमाथि विचार गरियोस् भनी गरेको प्रस्ताव बहुमतले स्वीकृत भएको हो । सो विधेयकको विपक्षमा नेमकिपा सांसद प्रेम सुवाल मात्र रहेका थिए । अब सो विधेयकमाथि संशोधन पेस गर्न चाहने सांसदहरूले ७२ घण्टाभित्र संसद्को विधायन शाखामा संशोधन प्रस्ताव दर्ता गर्न सक्नेछन् ।
प्रतिनिधि सभाको आजको बैठकमा सो विधेयकमाथि सांसदहरूले आफ्नो आफ्नो धारणा व्यक्त गरेका थिए । प्रतिनिधि सभाको अर्को बैठक चैत्र १५ गते १ बजे बस्नेछ ।