बजेटको सिद्धान्त र प्राथमिकतामाथि तीन दिन छलफल हुने
आइतबार, २४ वैशाख २०८०, १७ : ४०
काठमाडौँ । आगामी आर्थिक वर्ष २०८०/८१ को विनियोजित बजेटमाथिको सिद्धान्त र प्राथमिकता (कर विधेयक बाहेक) को प्रस्तावमाथि तीन दिन छलफल हुने भएको छ ।
आइतबार अर्थमन्त्री डा.प्रकाशशरण महतले संघीय संसदमा विनियोजित बजेटमाथिको सिद्धान्त र प्राथमिकता (कर विधेयक बाहेक) माथि छलफल गरियोस् भन्ने प्रस्ताव पेश गरेका छन् । यसलगत्तै सभामुख देवराज घिमिरेले उक्त प्रस्तावमाथि वैशाख २५ गते, २६ गते र २७ गते छलफल हुने घोषणा गरे ।
सोही प्रस्तावमाथि छलफल गर्न आगामी बैठकमा दलगत रूपमा प्रतिनिधित्व गरी बोल्न समेत सांसदहरुलाई घिमिरेले आग्रह गरेका छन् ।