काभा वुमन्स भलिबल : नेपाल आज बङ्गलादेशसँग भिड्दै
मङ्गलबार, ०९ जेठ २०८०, ०८ : ३९
काठमाडौँ । काभा वुमन्स भलिबल च्यालेन्ज कप-२०२३ मा नेपालले आज दोस्रो खेल खेल्दैछ । हिजोबाट सुरु भएको भलिबल च्याम्पियनमा नेपालले आज दोस्रो खेलमा बङ्गलादेशसँग प्रतिस्पर्धा गर्दैछ ।
प्रतियोगिताको पहिलो खेलमा किर्गिस्तानलाई सोझो सेटमा पराजित गर्दै विजयी सुरुवात गरको नेपालले आज भारतसँग पराजित भएर आएको बङ्गलादेशसँग दोस्रो प्रतिस्पर्धा गर्न लागेको हो ।
समूह एमा रहेको नेपाल बङ्गलादेशलाई पनि पराजित गरेर सेमिफाइनलमा पुग्ने लक्ष्यका साथ आज मैदानमा उत्रन लागेको हो । नेपाल र बङ्गलादेशबिचको खेल दिउँसो ३ बजे सुरु हुनेछ ।