नेपाल फार्मेसी परिषद्ले माग्यो नाम दर्ता परीक्षाको आवेदन
मङ्गलबार, १६ साउन २०८०, १८ : ३०
काठमाडौँ । नेपाल फार्मेसी परिषद्ले २३ औँ नाम दर्ता परीक्षाको लागि आवेदन माग गरेको छ । परिषद्ले मंगलबार सूचना जारी गर्दै साउन ३२ गते बेलुका ५ बजेसम्म आवेदन दिन सकिने जनाएको हो ।
सम्पूर्ण प्रमाणपत्र नोटरी पब्लिकद्वारा प्रमाणित गराई आवेदन भर्न परिषद्ले सूचनामा भनेको छ । यदि कागजात प्रमाणीकरण नभएमा त्यस्ता फारमहरूलाई स्वतः रद्द गर्ने सूचनामा उल्लेख छ ।